Kandidati i koalicionit “Bashkë Fitojmë” për bashkinë e Durrësit, Igli Cara ka zhvilluar takime me qytetarë, ndërsa thotë se energjia dhe entuziazmi ndihet kudo.
Teksa shpërndan pamjet e takimit me banorë të zonave të ndryshme të Durrësit, Cara shprehet se ndjesia që përjeton në çdo takim i jep atij siguri se ky qytet do t’i rikthehet qytetarëve.
“Energjia dhe entuziazmi ndihet kudo! Ndjesia që përjetoj në çdo takim, të madh apo të vogël, rastësor apo të planifikuar, më jep sigurinë që Durrësi do i rikthehet qytetarëve! Me besim, së bashku do ta bëjmë të mundur ndryshimin. Qyteti je ti!”, shkruan Igli Cara në rrjetet sociale.
