Kryetari i PD-së Sali Berisha denoncoi këtë të mërkurë se mazhoranca e drejtuar nga Edi Rama po angazhon banda kriminale për blerje votash.
“E more vesh që erdhën nga Dubai”, tha Berisha në një emision televiziv këtë të martë.
“Kanë ardhur bandat”, u pyet ai në emisionin “Now” në Euronews Albania.
“Po i sollën, për zgjedhje i sollën, i mori i liroi të gjithë nga burgjet”, ta Berisha.
“U them që angazhimi i tyre në fushatë do konsiderohet nga ne krimi më i rëndë dhe është absolutisht më i rëndë se çdo krim tjetër. Ne po i regjistrojmë të gjitha, ne jemi serioz në punë tonë. Po bëjmë fushatë në përputhje me ligjet e vendit dhe po ndjekim procesin zgjedhor në çdo aspekt. Do nxjerrim konkluzionet tona ne, s’ka asnjë pengesë këtu”, shtoi ai.
“Është një kriminel, një Shara (Gentjan Sharra) i lidhur me Taulant Ballën, fiton tendera e shoqja, kanë dosje në prokurori, mund të ketë mbi 1000 faqe biseda me Ballën. Kriminelët më të rrezikshëm janë pushtetarë që përdorin krimin për qëllimet e tyre”, shtoi.
“Unë di që kanë dërguar në Shkodër 2 mln euro”, tha më tej Berisha.
“Krimineli më i madh është Gjiknuri dhe Rama që kanë dërguar para atje, paratë i kanë marrë bandat dhe po i shpërndajnë. Duhet të merremi me kapobandën që ta zgjidhim këtë”, deklaroi.
Më tej, Berisha tha se “këta ndajnë para me njerëzit e tyre”, duke iu referuar tenderave publikë.
Lexo edhe:
Berisha: Rama po tenton të blejë votat, por do të dalë humbës
