Një furgon tip “Benz”, është djegur mesnatën e kaluar në fshatin Leshnicë të Pogradecit.
Ngjarja ka ndodhur rreth orës 00:40, ndërsa furgoni ishte në pronësi të shtetasit L.P, 46-vjeç.
Fatmirësisht nuk raportohet për të lënduar.
Dyshohet se shkak për zjarrin mund të jetë bërë ndonjë defekt teknik.
Njoftimi i policisë:
Më datë 03.05.2023, rreth orës 00:40, në fshatin Leshnicë, ka rënë zjarr në automjetin furgon tip “Benz”, në pronësi të shtetasit L. P., 46 vjeç, i cili ka qenë i parkuar në oborrin e banesës. Si pasojë e zjarrit nuk ka dëme në njerëz, por vetëm dëme materiale.
Nga të dhënat paraprake rezulton se zjarri në mjet, mund të ketë rënë për shkaqe aksidentale (defekt elektrik).
Grupi hetimor po punon për përcaktimin e plotë të shkakut të rënies së zjarrit.
