Në Bruksel po zhvillohet takimi i nivelit të lartë mes Kryeministrit të Kosovës dhe Presidentit të Serbisë.
Takimi Kurti-Vuçiç ndërmjetësohet nga zyrtari i Bashkimit Europian, Josep Borrell.
Në takim do të diskutohet për zbatimin e Marrëveshjes së Ohrit të arritur mes palëve me qëllim normalizimin e marrëdhënieve mes Kosovës dhe Serbisë.
Kurti, përpara takimit bisedoi me të dërguarin e posaçëm të Shteteve të Bashkuara për Ballkanin Perëndimor, Gabriel Escobar.
Ndërsa Vuçiç, përpara se të hynte në takim, shkroi në rrjetet sociale: “Do të jetë vështirë. Kundër nesh është gjithë Perëndimi”.
