Transporti i kokainës me një kamion, nuk i ka shkuar siç duhet një shqiptari në Itali, i cili është arrestuar gjatë një kontrolli rutinë.
Mediat italiane shkruajnë se shqiptari ka qenë duke drejtuar një kamion, i shoqëruar nga një shtetas rumun.
Në momentin e ndalimit për kontroll rutinë nga policia, efektivët vunë re nervozizëm te drejtuesi i kamionit, çka bëri që të ushtronin një kontroll fizik.
Gjatë kontrollit fizik, policia gjeti në sediljet e pasme 6 kg kokainë të paketuar dhe 3000 euro kesh.
Shqiptari dhe shoku i tij rumun janë dërguar në qelitë e paraburgimit në Novara, duke pritur masën e sigurisë nga drejtësia italiane.
