Efi Dhedhes zbuloi me hyrjen e saj në “Big Brother VIP” se është në një lidhje dashurie. Duke mos dhënë shumë detaje ajo ka rrëfyer se partneri i saj është ekonomist, ndërsa në shtëpi partneri i saj ka marrë emrin “Genci” nga Luizi.
Mirëpo, kohët e fundit pati aludime se ajo i ka dhënë fund lidhjes. Disa media raportuan se ajo dhe partneri i saj janë ndarë pak para rifutjes së saj në BBV, duke mos i zbuluar shkaqet.
Mesa duket ky lajm është i pavërtetë, pasi vetë Efi ka folur për të dashurin. Në një bisedë me Dean dhe Kristin, Efi përsëriti se ka dikë që e pret jashtë. Po ashtu, mbrëmjen e djeshme bëri disa batuta me Luizin duke i thënë se ai ka Kiarën, kurse ajo të dashurin e saj.
Efi ka deklaruar se qetësia e partnerit e ka bërë për vete që në fillim dhe se ai i nxjerr anën e saj më të mirë.
“Me natyrën time mendoja se më duhej ndonjë njeri i ashpër. Por nuk ka lidhje fare një qetësi absolute, sa të bën të ndihesh keq. Thjesht respekt dhe më nxjerr më të mirën time. Thjesht ideja që nuk ma merr për dobësi atë që unë ndjej. Është një çun shumë i mirë, i sjellshëm, i edukuar,” tregoi Efi.
