Kryetari i Bashkisë Shkodër, Bardh Spahia ka pritur ditën e sotme përfaqësuesin e DASH Z. Jeffrey Ingram dhe atë të Forcave te Armatosura, Kolonel Altin Gjetaj, ku kanë nënshkruar marrëveshjen për projektin e përbashkët në fushën e sigurisë.
‘Ajo që dakortësuam pak muaj më parë tashmë ka marrë formë të prerë dhe kam kënaqësinë që një qendër e tillë do të jetë prezente në qytetin e Shkodrës.’, shkruan Spahia në Facebook.
Postimi i plotë:
Me përfaqësuesin e Departamentit Amerikan të Shtetit, Z. Jeffrey Ingram dhe atë të Forcave te Armatosura të RSH, Kolonel Altin Gjetaj nënshkruam marrëveshjen për projektin e përbashkët në fushën e sigurisë.
Ajo që dakortësuam pak muaj më parë tashmë ka marrë formë të prerë dhe kam kënaqësinë që një qendër e tillë do të jetë prezente në qytetin e Shkodrës. Eshtë fakt se bashkëpunimi në fushën ushtarake midis Shqipërisë dhe aleatit tonë strategjik SHBA është një histori suksesi, mjaft intensive dhe shumë dimensionale.
