Deputeti Flamur Noka ishte i pranishëm në takimin me qytetarët në Pustec, me kryetarin e Partisë së Lirisë, Ilir Meta gjatë prezantimit të kandidatit të koalicionit “Bashkë Fitojmë” për këtë bashki, Pandi Jani.
Gjatë fjalës së tij Noka tha se ndarja nga qeveria Rama është domosdoshmëri jetike. Më tj shtoi se në katër vite kryetari aktual nuk ka bërë asgjë dhe vetëm ka vjedhur të gjitha fondet e komunës.
“Është domosdoshmëri etike ndarja njëherë e mirë nga Edi Rama. Keni të gjithë arsyet për të votuar kundër edhe kryetarit aktual të bashkisë. Vota më 14 maj do të përcaktojë fituesin.
Në katër vite kryetari aktual nuk ka bërë asgjë. Ai vetëm ka vjedhur të gjitha fondet e komunës, dhe ato nuk janë fonde që vijnë nga qielli, por janë taksat tuaja. Ata dinë vetëm të vjedhin dhe të bëjnë tendera.”– tha Noka.
