Gjashtëdhjetë e gjashtë nxënës të shkollës së Miçiganit janë të gjithë të sigurt falë një 13-vjeçari me reagim të shpejtë, i cili drejtoi autobusin e shkollës pasi shoferi humbi vetëdijen, thanë zyrtarët.
Dillon Reeves i shkollës së mesme Carter në Warren “kërceu” menjëherë te timoni dhe mori kontrollin e tij.
Në video duket shoferi i autobusit i cili i dërgon mesazh zyrtarëve se nuk ndihet mirë.
Qyteti po e përshëndet nxënësin si një hero.
“Ne jemi shumë krenarë për ju për veprimet tuaja heroike!” Këshilltari i Warren, Jonathan Lafferty, shkroi në një postim në Facebook.
Nxënësit po ktheheshin në shtëpi nga shkolla e mesme Carter të mërkurën kur shoferi i autobusit humbi vetëdijen, sipas mbikëqyrësit të shkollës Robert Livernois.
Videoja e incidentit, e publikuar të enjten, tregon drejtuesin e autobusit që dërgon mesazhe në radio se ai nuk ndihet mirë dhe mund të duhet të drejtojë autobusin.
Menjëherë pas kësaj, shoferi humbet kontrollin e timonit, dhe studentët dëgjohen duke bërtitur ndërsa autobusi fillon të devijojë nga korsia e tij.
Livernois tha se Dillon pa “shoferin në ankth”, shkoi te timoni dhe ndihmoi në ndalimin e tij.
Nuk dihet ende shkaku i sëmundjes së drejtuesit të autobusit. Ai nuk ka histori të ndonjë incidenti tjetër gjatë drejtimit.
Kur policia thirri prindërit e Dillon, babai i tij, Steve Reeves, fillimisht pyeti “çfarë dreqin bëri ai?”
Oficerët thanë, “jo, djali juaj është një hero”, sipas mediave lokale.
Pas incidentit të gjithë fëmijët janë në gjendje të mirë shëndetësore.
