Mesfushori i Milanit, Rade Krunic, në një intervistë të dhënë së fundmi, ka folur për rëndësinë që kishte ndeshja ndaj Napolit në Champions League.
I bërë baba për herë të parë pak ditë më parë, Krunic zbuloi se i kishte kërkuar gruas së tij, të mos lindte në ditën e ndeshjes.
“Ne u kthyem vonë nga Napoli dhe më pas unë dhe gruaja ime shkuam shumë në spital për të përgatitur gjithçka për lindjen. Para ndeshjes i kisha kërkuar vetëm të mos lindte më datë 18, përndryshe nuk do të kisha mundur të isha atje sepse me Napolin ishte një ndeshje shumë e rëndësishme për ne, në dy ditë pata dy kënaqësi të pabesueshme, ishte një javë perfekte”, tha ai.
