Real Madrid ka pësuar disfatë 4-2 ndaj Gironës në “Estadio Municipal de Montilivi”. Ekipi i Ancelottit ishte tërësisht i pamotivuar në fushë, duke parë që Barcelona kryesuese është +11 pikë.
Një aksion fantastik i vendasve modest finalizohet me gol nga Castellanos, pas një goditje të saktë me kokë në minutën e 12-të.
Në gjysmën e fraksionit, sulmuesi argjentinas realizon golin e dytë personal. 24-vjeçari kontrollon në mënyrë perfekte topin dhe me një të djathtë të bukur mposht përsëri portierin Lunin.
Pak më vonë, i zakonshmi Vinicius ngushton shifrat, braziliani i harruar në zonë dhe nga fare pranë “tund rrjetën”.
Dukej se ishte mbrëmja e Castellanos, pasi brenda çerek ore në fillimin e pjesë së dytë përshëndet edhe dy herë të tjera portën e madrilenëve. Goli i Lucas në fund shërben vetëm për statistikë.
