Partizani arriti të fitonte dje 2-1 kundër Bylisit, ndeshje e vlefshme për javën e 30-të të Superiores.
Një sfidë që u dominua nga të kuqtë dhe gjyqtar ishte Erjon Bastari.
Ky i fundit akordoi 2 penallti për Partizanin. Por, e dyta u anulua nga VAR-i. Edhe pse për gjyqtarin e fushës, goditja e Mensah përfundoi në dorën e lojtarit të Bylisit, për Indrit Myrtjën nuk ishte kështu.
Pas komunikimit në kufje, Bastari iu drejtua VAR-it duke bërë që të anulonte vendimin e tij. Por, është klubi i Partizanit që ka publikuar pamje nga takimi me mallakastriotët.
Në video shfaqet momenti në fjalë dhe në moviolën e emisionit “Skaner”, Bujar Pregja tha:
“Kjo është prekje me dorë dhe 11-metërsh i padiskutueshëm”.
Ky është viti i dytë në Shqipëri që është implentuar sistemi i VAR-it dhe siç shihet, ka ende shumë gjëra për të përmirësuar sa i përket infrastrukturës.
