Vendimi i Komisionit të Ankesave dhe Sanksioneve pranë KQZ për të mos pranuar kërkesën e anëtarëve të “Bashkë Fitojmë” për të vendosur emrin e kryedemokratit Sali Berisha në fletën e votimit, si kryesues i koalicionit, është kritikuar nga analisti Baton Haxhiu.
Në Çim Peka Live, Haxhiu tha se vendimi i KAS është i gabuar, pasi Berisha përfaqëson shumicën e demokratëve dhe opozitës shqiptare, ndaj ajo kërkesë ishte një vullnet i pastër politik.
“E drejta e Berishës është të përfaqësojë shumicën, duke qenë se njerëzit e duan. Ky është gabim. Ai përfaqëson shumicën. Nëse Ilir Meta ka deklaruar se unë dua në listën e koalicionit e dua Sali Berishën…nuk ka vullnet tjetër, kaq është. Nuk dua t’i hyj shkresave, po flas për vullnetin politik”, tha Haxhiu.
