KAS rrëzon kërkesën e opozitës për të vendosur emrin e Sali Berishës krah koalicionit “Bashkë Fitojmë” në fletën e votimit.
Më herët, koalicioni “Bashkë Fitojmë” me përfaqësues Endrit Braimllarin ka njoftuar Komisionin Qendror të Zgjedhjeve që kryetari i komanduar i këtij koalicioni është deputeti Sali Berisha.
“Në emër të koalicionit “Bashkë Fitojmë” si dhe të partive përbërëse të tij, ju informoj për efekt të pasqyrimit korrekt të të dhënave të koalicionit në fletën e votimit, sipas parashikimeve të nenit 98 të Kodit Zgjedhor se, se drejtues i komanduar është deputeti Sali Berisha”, thuhet në shkresën drejtuar KQZ-së.
Por, KAS e rrëzoi kërkesën pas shqyrtimit.
Po ashtu, KAS ka vendosur pranimin e pjesshëm të kërkesës së Partisë Demokratike me kryetar të komanduar Enkelejd Alibeaj, për pasqyrimin e emrit të kryetarit të partisë udhëheqëse të koalicionit “Bashkë Fitojmë”, Ilir Metën në fletën e votimit.
