Juventusit mund t’i kthehen pikët e hequra nga Federata Italiane në sezonin aktual për çështjen e plusvalencave.
Në gjyqin e zhvilluar sot në Këshillin e Komitetit Olimpik Italian, avokatët e bardhezinjve kanë kërkuar anulimin e vendimit dhe vetë Prokurori i Federatës, Ugo Taucer, ka pranuar se ai vendim ka qenë i parregullt sa i përket motivimit.
Ai ka kërkuar kështu që të shtyhet vendimi apo të ketë një rigjykim të rastit.
“Puna e Prokurës Federale ishte korrekte dhe i kuptua nga Gjykata e Apelit në ndryshimin e vendimit. Argumentimet e dëgjuara sot nga pala tjetër, nuk kanë bazë dhe unë do të isha kundër apelimit të tyre.
Por sa i përket nënti 4, kam frikë se profili ku ka bazën mbi pikët e penalizimit, ka një mangësi motivimi që duhet vlerësuar dhe rishikuar në një gjykim tjetër”, tha ai para gjykatës që do të japë më vonë vendimin.
