Në ditën e gënjeshtrave, 1 Prilli, në të gjithë botën mendohet të krijohen situata dhe fjalë për të gënjyer bukur njerëzit që kemi afër. Kjo ka ndodhur edhe në një klasë në kolegjin Aquinas në Grand Rapids, ku studentët krijuan një situatë të gënjeshtre për profesorin e tyre.
Stephen Barrows, profesor i makroekonomisë, e kishte një rregull në klasë se nëse dikujt prej studentëve i bënte telefoni, ai ose ajo do të detyrohej t’i përgjigjej duke lëshuar spikerin që të dëgjoj e tërë klasa bisedën që do bëhej. E sikletshme paksa, imagjinoni sikur t’ju marrë mami dhe t’ju bërtasë për diçka që nuk e keni bërë siç duhet apo e dashura/i dashuri, vërtet situatë e sikletshme. Mirëpo, studentët kanë përfituar nga ky rregull dhe kanë përgatitur një lojë të bukur.
Kur një studenteje i ra telefoni, mësuesi i kërkoi që ta dëgjonte e gjitha klasa, por telefonata ishte nga klinika ku bëhen testet e shtatzënisë. Ata e njoftojnë studenten se është shtatzënë dhe e urojnë e po ashtu i ofrojnë të gjitha ndihmat, pasi nuk dihet se kush është babai.
Profesori ndihet në siklet dhe i kërkon që të flas personalisht, por studentja luan rolin sikur nuk e lënë që ta mbyllë dhe vazhdon që të flas duke e dëgjuar e tërë klasa.
Pasi e ndërpreu telefonatën, profesori i kërkon falje asaj duke thënë se nuk e kishte menduar ndonjëherë që mund të ndodh kjo. Ajo i thotë se nuk ka problem pasi që kur të lind foshnja, emrin do t’ia lë “Prill” ndërsa mbiemrin “Shakaja” (Shakaja e Prillit).
Profesori aty e kupton se ka qenë i mashtruar dhe në klasë fillon një e qeshur e madhe, madhe edhe ai vetë ka vendosur fletoren në fytyrë dhe ka vazhduar të qeshurën.
Video ka bërë qarkullimin në të gjithë botën dhe ka marrë mijëra klikime.
