Banesës së Muhamet Dukës në zonën e Freskut i është vënë në orët e para të mëngjesit duke shkaktuar panik tek banorët e tjerë të pallatit.
Për Top Channel, janë prononcuar edhe disa fqinjë të tij, të cilët kërkojnë ndihmën e shtetit pasi kanë frikë për jetën e tyre.
“Jetoj prej 13 vitesh në këtë lagje, komshi kam Muhamet Dukën. Muhamet Duka ka pasur probleme me fëmijët e tij, me shtetin, punë e tij, ç’kusur kam unë tani që të më vrasin mua për qefin e tjetrit? Kërkoj sigurinë e shteti në radhë të parë, se po vriten njerëzit rrugëve. Nuk ka siguri shteti, gruas i ra të fiktë, unë u mbyta aty, vajta në spital në urgjencë,”- tha fqinji.
Ndërsa gjithashtu, një prononcim për mediat e dha edhe bashkëshortja e tij, e cila u shpreh gjithashtu e frikësuar.
“Ne kërkojmë siguri për herë të parë se brenda në shtëpi, dy pleq, pensioniste, të na vrasin brenda shtëpisë, nuk i kemi borxh njeriu. Ne e kemi patur gjiton, nuk kemi patur ndonjë konflikt me ta, kemi qenë shumë mirë me ta. Dinamiti nuk është vënë në derën tonë, është vënë në derën e tij. Ka përplasur me derën tonë dhe na është bërë dëm,”-shtoi ajo.
Në orët e para të mëngjesit një sasi lëndë plasëse shpërthyer në derën e banesës së Muhamet Dukës, që ndodhet në katin e katërt të një pallati në zonën e Freskut në Tiranë. Si pasojë e këtij shpërthimi ka pasur vetëm dëme materiale, ndërsa Muhameti është babai i Elis dhe Leonard Dukës, ky i fundit njihet si drejtuesi i klanit “Duka”.
Mësohet se familjet e vëllezërve Leonard dhe Elis Duka prej 4 vitesh nuk jetojnë nuk jetojnë më aty, po ashtu as prindërit e tyre të cilët po ashtu nuk dihet se ku jetojnë.
