Kreu i Partisë së Lirisë, Ilir Meta shkruan në Facebook se qytetarët e Gramshit do të ndëshkojnë me votë ‘Rilindjen’.
Një ditë pas prezantimit të kandidatit për Bashkinë Hasim Çekrezi, Meta shkruan se ‘Rilindja’ e la Gramshin në harresë, mashtroi për ndërtimin e rrugëve dhe e katandisi gjimnazin nga 1100 nxënës para 10 viteve, në vetëm 400 nxënës sot.
Më tej, ai thekson se ‘Rilindja’ e pashpirt grabiti dhe pyjet e Gramshit bashkë me pasuritë ujore të tij.
Postimi i plotë:
Një mesazh i fortë për Fitoren dhe Ndryshimin nga qytetarët e Gramshit, të bashkuar rreth Hasim Çekrezit dhe koalicionit “Bashkë Fitojmë” .
Ata do të ndëshkojnë me votë “Rilindjen”, që e la Gramshin në harresë, që mashtroi për ndërtimin e rrugëve dhe që e katandisi gjimnazin e Gramshit nga 1100 nxënës para 10 viteve, në vetëm 400 nxënës sot.
“Rilindja” e pashpirt edhe pyjet e mrekullueshme ja grabiti Gramshit bashkë me pasuritë ujore të tij.
