Banorët e Kaçinarit të Miriditës janë ngritur sërish sot në protestë, kjo pasi 4 vite pasi u përzunë forcërisht, kompania që kërkon të ndërtojë katër HEC-e në Kaçinar, është rikthyer në zonë dhe po bën presione për të nisur punën në zbatimin e këtyre projekteve.
Banorët janë ngritur sërish në protestë për të mos lejuar ndërtimin e hidrocentraleve të cilet thajnë burimet ujore dhe dëmtojnë rëndë mjedisin.
“Kemi dalë edhe herë të tjera por tani po behet më e egër dalja. Edhe kafshë të ishim, edhe Enver Hoxha nuk na hiqte ujin dikur. Edhe në burgun e Spaçit nuk janë trajtuar ashtu. Kur nuk kemi këto të drejta… Duhet të vijnë të bisedojnë që të bëhet marrëveshje. Këtu s’ka marrëveshje, këtu ka hajdutëri. Po na hoqët ujin, na kanë hequr jetën. Do i vazhdojmë protestat.”- tha njëri prej banorëve për Faxnews.
Koncesioni për HEC-et në Kaçinar të Mirditës është dhënë në vitin 2018, por deri tani banorët e 7 fshatrave përmes protestave të vazhdueshme nuk e kanë lejuar kompaninë të nisë punën.
