Vllaznia vijon përgatitjet për takimin e radhës ndaj Kukësit. Kuqeblutë kanë vijuar punën, duke u stërvitur në fushën sportive “Reshit Rusi”.
Për këtë ndeshje, mungesat do të jenë të mëdha, pasi nuk do të jenë me ekipin kapiteni Erdenis Gurishta dhe Esin Hakaj, që të dy për shkak kartonësh. Dy lojtarë, vlera e të cilëve tani njihet.
Ndërkohë, Geralb Smajli është rikuperuar nga dëmtimi dhe gjasat janë se do ta nisë nga fillimi në Kukës në krahun e djathtë të mbrojtjes në vend të kapitenit Gurishta.
Nga ana tjetër, në krahun e majtë të mbrojtjes pritet të spostohet Bulatoviç, për t’i bërë vend në qendër Dajan Shehit, që do të ketë nën krah Kroatin Juriç.
Megjithatë, mbetet për t’u parë në seancën e sotme, e cila është e fundit për këtë përballje se kush do të jetë 11-shja startuese e trajnerit maqedonas Goçe Sedloski, pasi po shikohet edhe mundësia që Kruja të jetë nga e djathta e Smajli nga e majta, e ndërsa Juriç e Bulatoviç në qendër.
Formacioni i mundshëm:
4-3-3: Zogovic, Smajli, Shehi, Juric, Bulatovic, Jonuzi, Boshnjaku, Marku, Coba, Balaj, Latifi
