Një 48-vjeçar shqiptar është dënuar me burgim të përjetshëm, pa të drejtë lirimi me kusht, pasi u shpall fajtor për vrasjen e kolegut të tij në gusht të vitit 2020, në Oakland Country, në Miçigan të SHBA-ve.
Astrit Bushi është shpallur fajtor për vrasje të shkallës së parë ndaj 49-vjeçarit Grgory Lanier Robertson, nga Pontiac.
Ngjarja ndodhi në një nga fabrikat e kompanisë General Motors, ku viktima dhe autori ishin punonjës të pastrimit.
Bushi është gjetur në këmbë pranë viktimës dhe është arrestuar.
Në vendgjarje policia gjeti edhe një send të përdorur si armë.
Bushi jetonte në një furgon dhe kishte emigruar nga Shqipëria.
