Teksa PS nisi zyrtarisht fushatën elektorale, kryeministri Edi Rama tha se një pjesë të buxhetit të tyre do ta çojnë për mbjellje pemësh duke evituar mitingjet pompoze.
Lidhur me këtë kryetari i bashkisë së Shkodrës, Bardh Spahia, i ftuar në “Të Paekspozuarit” në MCN tv, tha se ka msrrë kërkesën nga kryesocialisti dhe kryeministri Edi Rama që edhe në Shkodër të mbjellë pemë në kuadër të fushatës së tij elektorale për vendoret.
Këtë fakt, Bardhi e quan tallje, sepse sipas tij Shkodra ka të tjera halle përtej pemëve, ndërkohë që shton se qeveria nuk ka bashkëpunuar në asnjë projekt bashkie.
“Kërkesën e Ramës për lokacion për mbjellje pemësh në Shkodër, ja ktheva përgjigjen për personin kontaktues zyrtarisht. Por në këtë kontest, këtë e mora si tallje, jo vetëm për mua, por edhe bashkitë tjera. Nuk është problematikë mbjellja e pemëve sidomos në një bashki me të tjera halle, por e vërteta është që realisht Shkodra ka të tjera problematika që hasen në përditshmëri, ka aspekte ku do duhej vëmendja e kryeministrit dhe ndërhyrja e strukturave qeverisëse. Janë mbi 50 projekte të paraqitura ku nuk kemi marrë asnjë përgjigje nga qeveria”, tha ai.
