Deputeti i Partisë Demokratike, Luan Baçi, deklaroi se çdo kandidat që del kundër kandidatëve të dalë nga primaret e PD, çon vota te Erion Veliaj.
Sipas tij nëse Rama dhe Veliaj do ishin kaq të sigurt te fitorja, nuk do bënin këto përpjekje për të përçarë votat e opozitës.
“Pse del zonja Përnaska aty? Del të bëhet kryetare bashkie? Është zonjë e nderuar, të rrijë si zonjë dhe qytetare. Është e ndërgjegjshme që i ka shanset 0 për të marrë vota, por e bën për të ndihmuar dikë tjetër.
Veprimi i saj është për të ndihmuar Veliajn. Dhe Bejko nuk është futur në garë për të fituar bashkinë, se e di që do marrë aq pak vota sa do pendohet. Çdo kandidat që del kundër kandidatëve të dalë nga primaret e PD ndihmojnë Veliajn”, tha Baçi për Euronews.
