Ditën e dytë të vizitës së tij në Tiranë, zv/Ndihmës Sekretari për Çështjet Europiane në DASH, Gabriel Escobar, e ka nisur me një takim me kryetarin e komanduar të Partisë Demokratike, Enkelejd Alibeaj.
Escobar i shoqëruar nga ambasadorja Yuri Kim mbërriti në ambientet e selisë së improvizuar të grupit “Alibeaj”, ku në hyrje u prit nga deputeti Gazmend Bardhi.
Takimi, ku ka qenë të pranishëm edhe deputetët Kreshnik Çollaku e Oriola Pampuri ka zgjatur për 45 minuta dhe foskusi i bisedës ka qenë te zgjedhjet e 14 majit, pasi edhe vizita treditore e Escobar vjen vetëm pak ditë para nisjes zyrtare të fushatës elektorale për zgjedhjet vendore.
Ndërkohë, në orën 11:30, Escobar do të takohet me kreun e Partisë së Lirisë, Ilir Meta.
Saka, ditën e djeshme Escobar zhvilloi takime me Presidentin Bajram Begaj, Kryeministrin Edi Rama dhe ministren e Jashtme, Olta Xhaçka.
Ambasada e SHBA njoftoi se gjatë takimeve, zyrtari DASH nënvizoi rëndësinë e zgjedhjeve të ardhshme vendore në Shqipëri, nevojën për të zbatuar rekomandimet e ODIHR-it dhe nevojën që partitë politike dhe liderëve të sigurojnë së kandidatët që garojnë në 14 maj të përmbushin kërkesat e ligjit.
