Kryebashkiaku i Hasit, Liman Morina ka vendosur që të mos rikandidojë për tha se arsyeja se pse ai nuk do rikandidojë për bashkinë e Hasit ka qenë vendim i tij personal dhe jo i kryesisë së Partisë Socialiste. Në një intervistë që ka dhënë për “Euroneës”, Liman Morina është shprehur se në 4 vitet që ai ka drejtuar Bashkinë e Hasit nuk ka pasur mbështetje financiare nga qeveria. Gjë që sipas tij, e ka ndlauar që të mos bëjë investime në Has.
“Vendimi ka qenë i imi personal unë vetë nuk kam pranuar të kandidojë në bashkinë e Hasit, sepse unë kam një eksperiencë shumë të gjatë në pushtetin lokal. Kam qenë 3 herë kryetar bashkie dhe dy herë kryetar komune. Unë i njoh problematikat, por nuk ka qenë vendim i kryesisë së Partisë Socialiste, por ka qenë vendimi im personal që kam marrë për të mos rikandiduar për bashkinë e Hasit. Unë nuk jam i lodhur, por 4 vitet e kaluar nuk kam gjetur mbështetjen e duhur e duhur nga qeveria shqiptare për financime, për të bërë investime në bashkinë e Hasit e duke pasur parasysh që nuk kam bërë investime nuk kam dalë para qytetarëve, sepse nuk kam pasur çfarë t’u them atyre,”-tha Liman Morina.
E mesa duket, për shkak se nuk ka bërë “punë”, ka zgjedhur që të mos ua kërkojë sërish votën qytetarëve të Hasit.
