Më shumë se një orë ka qëndruar në SPAK ministrja e Jashtme Olta Xhaçka e cila është marrë në pyetje në lidhje me kallëzimet e bëra nga ish-zv/komandanti i Flotës Detare, Artur Meçollari.
Xhaçka nuk ka pranuar të flasë për gazetarët duke u larguar me automjetin e saj pa dhënë asnjë shpjegim për mediat.
Burime mediatike konfirmojnë se rreth një muaj më parë, Xhaçka ka dhënë deklarime për llogari të veprimeve hetimore të prokurores te Manjola Kajana për përdorimin e aseteve të ushtrisë në fushatë elektorale (helikoperrëve), kallëzimi i bërë në vitin 2020 Gent Strazimiri dhe Albana Vokshi.
2 dy kallëzimet e ish zv komandantit të flotës detare Artur Meçollari, për portin e Limionit dhe Shëngjinit e kanë sjellë këtë të premte Xhaçkën për herë të dytë brenda një muaj në SPAK.
Prokurorja Kajana i ka në duar të dy çështjet, Limionin dhe Shëngjinin të cilat janë bashkuar në një dosje, ndërsa verifikimet hetimore për përdorimin e resurseve të ushtrisë po bëhen veçmas.
