Roland Bejko, kandidati i Partisë Demokratike për Bashkinë e Tiranës, ka qenë i ftuar në emisionin “Të Paekspozuarit” në MCN TV, ku ka debatuar me të ftuarit.
Ylli Rakipi e ka quajtur grupin Alibeaj, “një bandë”, që do ta çojë Partinë Demokratike në kuota minimale, ndërkohë që Bejkon e cilësoi si një kandidat që po përdoret nga Basha dhe Alibeaj.
Debati në studio:
Ylli Rakipi: Ju jeni një bandë që doni në 2025 të shkoni në zgjdhje për të marrë 3%.
Roland Bejko: Tërhiqe atë fjalën bandë!
Ylli Rakipi: Unë ashtu mendoj!
Roland Bejko: Unë nuk kam lidhje ma bandën.
Ylli Rakipi: Pikërisht për këtë po të shfrytëzojnë. Do ta shikosh në datën 15. Hajde këtu po të jesh burrë në datën 15.
Roland Bejko: Nuk është e keqja ime…
Ylli Rakipi: Po kështu e tërheq menderen ti? Pse hyn në zgjedhje ti pra?
Roland Bejko: Po them sikur të ndodhë kështu.
Ylli Rakipi: Unë e mbyll emisionin nëse ti do të kesh sukses në zgjedhje. Ti je më keq se Belind Këlliçi dhe Erion Veliaj.
Roland Bejko: Jam në të drejtën time.
Ylli Rakipi: Je më keq akoma.
Roland Bejko: Ti e shpërdoron respektin.
Ylli Rakipi: Ti u bëre arrogant
Roland Bejko: Ti bandë nuk mund të më thuash.
Ylli Rakipi: Ty të marrin për të fshehur bandën.
Roland Bejko: Bandë është ai që është shpallur non grata nga Britania e Madhe për lidhje me bandat dhe nga SHBA për korrupsion.
Ylli Rakipi: Po bandë është ai, bandë e madhe. Ti je bandë e papërfillshme.
Roland Bejko: Unë besoj se po të reagojë fryma e mirë e këtij populli, merr fund ajo banda.
Ylli Rakipi: Alibeu me pesë vetë, të kanë marrë dhe po të përdorin ty.
Roland Bejko: Jo nuk është kështu.
Neritan Sejamini: Ti i ke bërë një shërbim të madh PD-së, duke kandiduar, sepse PD nuk kandidon në shumë bashki. Kandidoni në Kuçovë, Dimal, Patos, Finiq, Sarandë… Janë më së shumti zona rurale. PD “euroatlantike”, që merr përsipër këtë revolucion dhe e tërheqin nëpër fshatrat e Shqipërisë. Bravo ju qoftë që po kandidoni në Tiranë!
