Në Gjykatën e Hagës ka vijuar sot me fjalën e ekipeve mbrojtëse pas njohjes me aktakuzat e prokurorëve në seancën hapëse të gjyqit ndaj katër ish-krerëve të UCK-së, Hashim Thaçi, Kadri Veseli, Jakup Krasniqi dhe Rexhep Selimi, që u zhvillua dje.
Seanca e sotme nisi me mbrojtjen e ish-Predidentit Hashim Thaçi, teksa avokati I tij Gregory Kehoe mohoi të gjitha pretendimet e ngritura nga Prokuroria Speciale në gjykimin ndaj tij.
Ndërkohë në gjyq, avokatët e Thaçit kanë paraqitur një mori materialesh audio dhe video si pjesë e dosjes së tyre për të mbrojtur ish-Presidentin.
Në një nga videot që po shfaqej në ekran u paraqitën pamje të masakrave të organizuar nga serbët mbi civilët në Kosovë dhe bombardimet e NATO-s, ndërsa Keohe njëherësh po shpjegonte krimet e Beogradit, të kryera gjatë luftës.
Këto skena të rënda kanë rrëmbyer vëmendjen e ish-zëdhënësit të UÇK-së dhe njëherësh ish-krye parlamentarit të Kosovës, Jakup Krasniqi, i cili ka shfaqur një anë tejet emocionale pavarësisht se ndodhej në gjyq.
Krasniqi është parë duke fshirë lotët në sytë e tij, teksa imazhet e luftës e përlotën duke i rikthyer kujtime nga sakrifica e bërë për lirinë e Kosovës.
