Detaje të tjera kanë dalë në dritë nga aksidenti i djeshëm në Astir, ku humbi jetën një person.
Mësohet se drejtuesi i automjetit, 30-vjeçari me iniciale P.M., nuk ka rezultuar nën efektin e alkoolit apo lëndëve narkotike, pasi i është bërë testi nga shërbimet e policisë rrugore.
Identifikimi i viktimës deri më tani nuk është bërë i mundur. Kujtojmë se në videon e publikuar nga mediat shihet momenti kur dy këmbësore kanë ecur me shpejtësi në mes të rrugës, por njëri prej tyre nuk arriti t’i shpëtojë aksidentit.
Ngjarja ndodhi rreth orës 19:20 në Unazë të Re, ku nga përplasja e fortë këmbësori fluturoi mbi automjet.
