Katër ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi dolën sot pas 2 viteve e gjysmë në paraburgim para togave të zeza në Gjykatën e Hagës, për t’u njohur me akuzat për krime lufte.
Prej orës 09:00 krerët e luftës dhe pasluftës në Kosovë vijonë përballjen në gjyqin që po zhvillohet në Hagë, ndërsa familjarët e tyre i ndjekin me vëmendje nga larg.
Në një foto të publikuar në mediat kosovare, shihen prindërit e ish-presidentit Thaçi që ndjekin nga televizori gjyqin për djalin e tyre, i akuzuar për krime lufte dhe kundër njerëzimit gjatë luftës me Serbinë.
Thaçi, Veseli, Krasniqi dhe ish-deputeti Selimi deklaruan se janë të pafajshëm për 4 akuza për krime lufte dhe 6 akuza për krime kundër njerëzimit.
