Një 40-vjeçar nga Vlora është vënë në prangat e policisë, pasi është kapur në flagrancë duke drejtuar automjetin në gjendje të dehur.
Edhe pse në gjendje të dehur, shtetasi me inicialet A.C. ka kundërshtuar efektivët e policisë, duke mos pranuar të kryejë këtë test.
“Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin A. C., 40 vjeç, banues në Vlorë, pasi teksa drejtonte automjetin, ka kundërshtuar punonjësit e Policisë, për kryerjen e testit të alkoolit. Pas kryerjes së këtij testi, ka rezultuar se 40-vjeçari e drejtonte automjetin, në gjendje të dehur”, thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
