Shtatë gola u shënuan në katër ndeshjet e ditës së sotme në Kategorinë e Parë. Lushnja fitoi 2-1 përballë Besës. Emocionet ishin ruajtur në 20 minutat e fundit të takimit.
Angjelo Radovani kaloi verdhezinjtë në avantazh, por vendasit përmbysën rezultatin falë dygolëshit të Klodian Nurit. Ky ishte rezultati i tretë radhazi pozitiv për lagunarët.
Luzi befasoi Tomorin, duke e triumfuar 0-2. Lion Cahani dhe Patrik Treni ishin autorët e golave për skuadrën mike. Skuadra beratase humbet në shtëpi pas gati 6 muajsh.
Dy ndeshjet e tjera u mbyllën pa fitues. Tërbuni nuk mori pikët maksimale ndaj Turbinës, edhe pse kaloi në avantazh me anë të Ermir Rezit. Por ekipi nga Cërriku evitoi humbjen falë realizimit të nigerianit Franklin Ahanonu. Derbi Burreli-Besëlidhja nuk prodhoi asnjë gol.
Kampionati i Kategorisë së Parë kryesohet nga Skënderbeu me 41 pikë. Më pas Dinamo (37) dhe Flamurtari (35), që do të përballen respektivisht ndaj Korabit dhe Orikut.
