Drejtuesi i SPAK, Altin Dumani konfirmoi këtë të Premte se në vilat e ushtruara kontroll e më të vëna në sekuestro në kuadër të hetimeve ndaj ish zëvendëskryeministrit Arben Ahmetaj, gjatë gjetur prova. Deklaratën Dumani e bëri gjatë një takimi me gazetarë, por pa specifikuar detaje të mëtejshme për provat në fjalë.
Dumani tha se në kuadër të hetimeve janë dërguar letër-porosi në disa shtete për të verifikuar nëse deputeti i Partisë Socialiste ka pasuri në këto vende.
“Kontrollet janë në dinamikën e hetimit ku gurpi vlerësoi se në këto ambiente mund të gjendeshin prova. Kemi gjetur prova. Sekuestro është preventive, masë sigurie me qëllim me qëllim që mos tjetërsohet pronësia. Në verifikim është çdo gjë”, tha Altin Dumani.
“Kemi nisur letër-porosi në shumë shtete, jo vetëm në një shtet, kërkon kohë, ka që janë përgjigjur, ka që janë në proces, hetimi përfshin çdo gjë, përfshirë edhe mundësinë e fshehjes së pasurisë jashtë. Patjetër që do e thërrasim Ahmetajn, nëse do e shikojmë të nevojshme”, shtoi drejtuesi i Prokurorisë së Posaçme.
Disa ditë më parë dy vila u sekuestruan në kuadër të hetimeve për Arben Ahmetajt. Masa e sekuestros u dha nga GJKKO – me kërkesë të SPAK, për sekuestrimin e një vile te Gjiri i Lalzit, në pronësi të partneres së Ahmetajt. Masa tjetër e sekuestrues u caktua për një tjetër vilë në Palasë. Rezidenca e fundit, sipas dyshimeve të prokurorisë, i përket ish-bashkëshortes së Ahmetajt.
SPAK po heton Ahmetajn për të paktën 4 vepra penale, nga mos deklarimi apo fshehja e deklarim i rremë i pasurive, te korrupsioni pasiv i funksionarëve të lartë, pastrimi i parave dhe shpërdorimi i detyrës. Kjo e fundit lidhet me hetimet në rastin e inceneratorëve, për të cilën ish zëvendëskryeministri ka këmbëngulur se nuk është i përfshirë.
Më herët gjatë kësaj jave, Gjykata e Posaçme e Apelit rrëzoi një kërkesë të deputetit Arben Ahmetaj për shpalljen të paligjshëm të kontrollit të bërë në vilën e partneres te Gjiri i Lalzit (Hamallaj), më 9 mars.
Inceneratori i Tiranës dhe Stela Gugallja
Dumani iu përgjigj dhe interesimit të gazetarëve lidhur me hetimet për incenratorin e Tiranës, si dhe Stela Gugalljen, e cila është shpallur në kërkim ndërkombëtar.
Për inceneratorin e Tiranës, Dumani tha se prokurorët e çështjes po kryejnë verime me “intensitet të madh”. “Aty ka shoqëri pas shoqërie dhe duhet ti gjendet pronari real se nesër të çon në Arbitrazh. Prokurori konstaton paligjshmëri dhe më pas nxjerr përgjegjësit”, tha Dumani.
Për Gugalljen, e cila rezulton pronare dhe administratore ‘me letra’ e shoqërisë koncesionare të inceneratorit të Elbasanit ‘Albtek Energy’, tha se “thjesht dimë që ka një proces ekstradimi” nga Austria. “Por nuk dimë për vijimin e tij pasi janë autoritete të tjera që merren me procedurat”, shtoi.
