Kreu i Partisë së Lirisë, Ilir Meta ka reaguar pas sulmit me armë ndaj Top Channel ku mbeti i vrarë roja 60-vjeçar. Meta shprehet në Facebook se krimi e mori sërish sot një jetë të pafajshme.
Meta bën thirrje që epoka e krimit të marrë fund dhe të vijë epoka e shqiptarëve.
“Edhe sot krimi e mori një jetë. Një jetë të pafajshme, të një punëtori. Sot një roje televizioni, para pak ditësh një pastruese lokali. Viktimat e krimeve nuk janë të largët e të panjohur, ata janë njerëzit tanë, bashkëqytetarët tanë, shqiptarët tanë.
Bashkohem me pikëllimin dhe dhimbjen e familjarëve dhe gjithë shoqërisë sonë.
Epoka e krimit duhet të marrë fund, që të vijë epoka e shqiptarëve.
Dhe do të marrë fund, shumë shpejt!”- shkruan Meta.
