Një ngjarje e rëndë ka ndodhur gjatë mesnatës në Tiranë, ku persona ende të paidentifikuar kanë qëlluar me breshëri kallashnikovi në drejtim të ambienteve të Top Channel duke vrarë rojen e sigurisë.
Ndërkohë, në autostradën e Kavajës, tek vendi i quajtur “Përroi i Agait” është gjetur një mjet i djegur tip “Range Rover”, i cili dyshohet se u përket autorëve.
Brenda automjetit janë gjetur dy kallashnikov të përdorur në krim.
Ngjarja e rëndë ndodhi rreth orës 01:00, ku roja, Pal Kola, që mbeti i vrarë ka qenë duke u ngrohur pranë një një ngrohëse që ka pasur brenda kabinës në momentet që është qëlluar me breshëri plumbash.
