Kryeministri i Kosovës, Albin Kurti ndodhet sot në Tiranë ku po zhvillon takime me krerët e shtetit shqiptar.
Pas ndalesës fillestare në Presidencë, ku u takua me Kreun e Shtetit Bajram Begaj ai u ndal në selinë e Kuvendit, ku u prit nga kryeparlamentarja Lindita Nikolla.
Më pas, Edi Rama e priti Kurtin me një drekë në vilën qeveritare n ëish-Bllok, ku sipas një postimi të kryeministrit, të dy kanë diskutuar me detaje për marrëveshjen e Ohrit dhe ecurinë e mëtejshme të procesit të zbatimit të saj.
Sipas Ramës, ata ranë dakord që mbledhja e ardhshme e të dy qeverive të mbahet në qershor.
“Me mikun e posaçëm, kryeministrin e Kosovës, Albin Kurti, gjatë drekës së sotme ku diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj.
I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë.
Ramë dakord që mbledhja e ardhshme e të dy qeverive të mbahet në qershor”, shkruan Rama.
