Vëmendja në një sfidë futbolli nuk është vetëm tek ndeshja. Sidomos në një përballje të tillë si ajo mes Italisë dhe Anglisë.
Të enjten u luajt në Napoli supersfida që përfundoi me rezultatin 1-2 për “3 Luanët”. Megjithatë vëmendjen e ka marrë ajo që ka ndodhur para se të nisë ndeshja, më saktësisht, këndimi i himneve.
Duket se me këngëtaren që po këndonte live himnin anglez ka pasur një problem dhe gjërat nuk kanë shkuar siç duhet. Ajo prek kufjet në vesh ku mesa duket ka pasur problem me zërin dhe e ka kënduar me probleme himnin.
Në videot e publikuara në rrjetet sociale, lojtarët anglezë kanë mbetur të habitur, me Bellingham dhe Saka që shikojnë të çuditur nga këngëtarja.
Kaq ka mjaftuar që përdoruesit e Twitter-it ta “gozhdojnë” këtë performancë si më të keqen sa i përket këndimeve të himnit. Madje disa janë shprehur se në vend që të përdorte “Zoti shpëtoftë Mbretin”, këngëtarja, ka thënë “Zoti shpëtoftë Mbretëreshën”.
Ndërsa një tjetër ka shkruar në rrjetet sociale “E kërkuar për krime kundër himnit kombëtar”, duke ironizuar në këtë mënyrë këngëtaren.
I’m literally dying of embarrassment on her behalf.
That national anthem was awful. Deary me. 😂#ITAENGpic.twitter.com/wy0iq8fyTG
— Lee Harris (@addicted2newz) March 23, 2023
