Kreu i Partisë së Lirisë, Ilir Meta deklaron se qeveria Rama ka zero përkujdesje për të moshuarit, ndërsa u zotua se në mandatin e parë të qeverisjes do të dyfishojnë pensionet. Meta tha se pas 14 majit, pensionistët do jenë prioritet për PL-në.
“Jeni një gjeneratë e pashpërblyer, por kjo na motivon që të bëjmë më të mirën. Sot ndesheni me vështirësi të mëdha, pasi kostoja e jetesës është rritur. Qeveria aktuale ka shpërfillje të madhe ndaj pensionistëve. Në vitet 2-13-2021 u rritën pensionet me 22%. Ai i ka parë pensionistët si njerëz që mund të votojnë në mënyrë të verbër për partinë e tij, por prioritetin e ka pasur diku tjetër.
Zero përkujdesje për pensionistët dhe zemërgjerësi pa fund për oligarkët. Për fat të keq shumë pensionist mbeten pa u kuruar. Për mos të folur për shërbime të tjera që janë të rëndësishme në mbështetje të shtresës suaj, siç janë ato të kujdesit të veçantë, të transportit. Dua të shpreh solidaritetin më të madh të Partisë së Lirisë me të gjithë ju pensionistet dhe ju sigurojmë se mbështetja për ju do jetë prioritet i jashtëzakonshëm që nga 14 maj.”- tha Meta.
Meta tha më tej se shumica e qytetarëve shqiptarë sa vjen e varfërohen gjithnjë e më shumë. Ai shtoi se në shoqërinë shqiptare ka një polarizim social dhe rritje të padrejtësive.
“Ne si Parti i Lirisë kemi çuar një ligj në Parlament, për indeksimin e pagave çdo vit për shkak të rritjes së inflacionit, në mënyrë që ti japim fund këtij mentaliteti që rritjen ekonomike e përjeton vetëm një pakicë dhe shumica e njerëzve sa vijnë e varfërohen dhe kjo vetës sa sjell rritje të polarizimit social dhe të padrejtësive.
Besoj se në 14 maji japim një mesazh të fortë të ndryshimit, japim një mesazh për një qeverisje njerëzore, por një qeverisje njerëzore pa një kujdes të veçantë pa moshën tuaj, pa moshën e tretë, nuk mundet që të ketë”, tha Meta.
