Aktori anglez Paul Grant, i cili ka luajtur në filmat Star Wars dhe Harry Potter, ka ndërru jetë në moshën 56-vjeçare.
Grant u gjet i shtrirë në tokë para stacionit King’s Cross në Londër në orët e pasdites të enjten e kaluar.
“Jam me zemër të thyer … Asnjë vajzë nuk e meriton që babai i saj t’i ik … Ai ishte aq i njohur dhe i dashur (për punën e tij). Ai iku shumë shpejt”, konfirmoi vdekjen për Sky News vajza e tij, Sophie Jayne Grant.
Grant u bë i famshëm për rolet e tij Ewok në “Return of the Jedi” dhe të Goblin në “Harry Potter and the Philosopher’s Stone”. Ai gjithashtu u shfaq në filmat e vitit 1986 “Labyrinth” dhe “Willow” në 1988.
