Policia e Kosovës, ka publikuar foton e një personi të shpallur në kërkim për vjedhje, ndërsa kërkon ndihmë nga qytetarët brenda dhe jashtë vendit nëse mund ta identifikojnë.
Përmes një njoftimi në faqen zyrtare në fb, policia ka publikuar foton e personit të akuzuar për një rast, vjedhje, që ka ndodhur në janar të vitit 2023, në rrugën “Ukshin Hoti” në Prishtinë.
“Kërkesë për bashkëpunim, identifikim të personit të dyshuar – thuhet në njoftimin zyrtar të Policisë së Kosovës. – Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi.
I dyshuari kërkohet për përfshirje në një rast, vjedhje grabitqare , që ka ndodhur në janar të vitit 2023, në rrugën “Ukshin Hoti” në Prishtinë.
