Ka filluar ditën e diel grumbullimi i kombëtares për 4 nga futbollistët që kanë mbërritur të parët për të qenë në dispozicion të trajnerit të kombëtares Sylvino.
Tre prej tyre kanë zhvilluar një séance stërvitore të lehtë në “Shtëpinë e Futbolli” ku janë parë Sokol Cikalleshi, i cili ka mbërritur nga Arabia Saudite, pas paraqitjeve shumë të mira në këtë vit 2023 me skuadrën e tij që është në huazim Khaleej.
Në 19 ndeshjet që ka zhvilluar deri më tani sulmuesi nga Kavaja ka shënuar 6 gola, duke marrë edhe statusin e golashënuesit tek ekipi i tij.
Qazim Laçi, lojtari i Spartës së Pragës ka mbërritur sërish ndër të parët në këtë grumbullim pas paraqitjeve në të gjitha ndeshjet në kampionatin çek.
Gjithashtu edhe Ermir Lenjani ka zhvilluar këtë séance të shkurtuar dhe të lehtë stërvitore në ditën e pare të grumbullimit. Mbrotjtësi i majtë aktualisht aktivizohet në kampionatin turk tek skuadra e Umraniyespor në Superlgën Turke.
Mes emrave që janë shfaqur në këtë séance të pare kanë qenë edhe Amir Abrashi portieri Tomas Strakosha i cili aktivizohet në Premier League, por që miutat e tij kanë qenë minimale për të most hënë fare, apo edhe surpriza e kësaj liste, Jasir Asani.
Ndërkohë pjesa tjetër e lojtarëve vijnë mbrëmjen e sotme dhe ditën e hënë në përfundim të ndeshjeve që kanë me klubet e tyre në këtë fundjavë.
Përfaqësuesja shqiptare pas shumë vitesh do të rikthehet të grumbullohet dhe stërvitet në kryeqytet në “Shtëpinë e futbollit” ku do të zhvillohen të gjitha seancat stërvitore dhe përgatitore për ndeshjet që do të zhvillojnë.
