“Bashkia e Veliajt e pashpirt edhe me fëmijën autik!”, kështu është shprehur nënkryetari i Partisë së Lirisë, Petrit Vasili, teksa ka reaguar për diskriminimin që Bashkia ka bërë ndaj fëmijës autik.
Vasili ka ndarë në adresën e tij në FB, një shkrim nga Boldnews.al, ku shkruhet se pas katër vitesh, prindërit fitojnë betejën 4-vjeçare me Veliaj.
“Veliaj dhe Bashkia e tij arrijne kulmin derisa i mohojne ndihmen femijes, qe vuan me autizem per 4 vjet duke shkuar edhe ne Gjykata kunder familjes se femijes. Keta te pashpirt qe vjedhin miliona dhe bejne propagande dhe sperdredhje te peshtira perpara kamerave nuk i japin ndihmen aq jetike femijes autik.
Mohimi nga Bashkia i mbeshtetjes me mesues shtese ka shkaktuar regres në zhvillimin e tij mendorte femijes. Ngjarja ka sjellë ndryshime themelore në stilin dhe cilësine e jetës së familjarëve.
Dy prinderit e femijes për shkak të problemeve shëndetësore te femijes se tyre me autizem kërkuan caktimin e një edukatoreje shtesë, e cila do të ndihmonte fëmijën që të avanconte në mësim-dhënie,njëlloj me bashkëmoshatarët e tjerë. Fëmija paraqitet edhe para Komisionit Multidisiplinar Mjekësor, i cili rekomandon që i mituri duhet të asistohet nga një mësues shtesë të paktën pesë orë në javë”, shkruan Vasili.
Vasili vijon më tej teksa shprehet se mungesa e mësueses ndihmëse ka sjellë që fëmija i mitur të ketë regres në zhvillimin e tij mendor. Ngjarja ka sjellë ndryshime themelore në stilin dhe cilësinë e jetës së familjarëve të tij, ndikim negativ në funksionimin e jetës së përditshme, si dhe në marrëdhëniet ndërpersonale.
“Por Drejtoria e Kopshteve dhe Çerdheve në Bashkinë e Tiranës dhe Drejtoria Vendore e Arsimit Tiranë, i caktohet një mësuese shtesë për fëmijën e mitur që të zhvillojë vetëm një orë mësim në javë për fëmijën e mitur. Pra thuajse asgje ne krahasim me ate qe kishte nevoje femija autik.
Komisioneri Kunder Diskriminimit, në Prill të vitit 2020, konstaton se institucionet shtetërore, përfshirë drejtoritë e Bashkisë së Tiranës dhe Zyra Arsimore e kryeqytetit kanë diskriminuar fëmijën e mitur.
Në vendimin e Komisionerit kundra Diskriminimit lexohet ndër të tjera se: “Rekomandimi i komisionit multidisiplinar për të asistuar fëmijën me mësues ndihmës i është njoftuar Drejtorisë së Përgjithshme të Çerdheve dhe Kopshteve (DPÇK) më datë 07.01.2020. Edhe pas datës 07.01.2020 DPÇK, Bashkia Tiranë nuk rezulton që të ketë marrë asnjë masë për të zbatuar rekomandimin e komisionit multidisiplinar dhe për të siguruar mësuesin ndihmës”.
Ndersa në Gjykatën Administrative u thirrën ekspertë psikologjikë, të cilët arritën në konkluzionin se “Mungesa e mësueses ndihmëse ka sjellë që fëmija i mitur të ketë regres në zhvillimin e tij mendor. Ngjarja ka sjellë ndryshime themelore në stilin dhe cilësine e jetës së familjarëve të tij, ndikim negativ në funksionimin e jetës së përditshme, si dhe në marrëdhëniet ndërpersonale”.
‼️Kjo eshte Bashkia apo neveria bashkiake mizore e Erion Veliajt.
‼️Keta hipokrite me Veliaj ne krye, qe bejne propagande te fellliqur e qe vjedhin me inceneratore e shkaterrojne qytetin ne kulla jane te gatshem te shkaterrojne edhe jeten dhe shendetin e qytetareve””, shkruan Vasili.
Në vitin 2019, dy prindër regjistruan fëmijën e tyre të diagnostikuar me çrregullim të spektrit autik, në një prej kopshteve publike të Tiranës. Për shkak të problemeve shëndetësore, prindërit kërkuan caktimin e një edukatoreje shtesë, e cila do të ndihmonte fëmijën që të avanconte në mësim-dhënie, njëlloj me bashkëmoshatarët e tjerë.
Pas një morie veprimesh proceduriale, nga Drejtoria e Kopshteve dhe Çerdheve në Bashkinë e Tiranës dhe Drejtoria Vendore e Arsimit Tiranë, caktohet një mësuese shtesë për fëmijën e mitur. Mësueses i caktohet që të zhvillojë vetëm një orë mësim në javë për fëmijën e mitur.
Prindërit nuk ishin aspak dakord me këtë vendim të vartësve të Veliajt, pasi kjo kohë ishte tërësisht e pamjaftueshme për zhvillimin e fëmijës së tyre. Ata ankohen pranë Komisionerit për Diskriminim, ku kërkojnë konstatimin e diskriminimit të fëmijës së tyre.
Çështja përfundon në Gjykatën Administrative, ku prindërit gjenden sërish në betejë ligjore përballë Bashkisë së Tiranës, e cila kundërshtonte pretendimet e prindërve.
Në gjykatë u thirrën ekspertë psikologjikë, të cilët arritën në konkluzionin se “Mungesa e mësueses ndihmëse ka sjellë që fëmija i mitur të ketë regres në zhvillimin e tij mendor. Ngjarja ka sjellë ndryshime themelore në stilin dhe cilësine e jetës së familjarëve të tij, ndikim negativ në funksionimin e jetës së përditshme, si dhe në marrëdhëniet ndërpersonale”..
Pak javë më parë, edhe Gjykata e Apelit Administrativ u dha të drejtë prindërve të fëmijës së mitur.
Në vendimin e Gjykatës lexohet se “për shkak të pakujdesisë në bashkëpunim së të dy organeve, ZVA Tiranë dhe DPÇK pranë Bashkisë Tiranë, ka ndodhur shkelja e të drejtës për trajtim të barabartë në situata të ngjashme apo të njëjta dhe trajtim ndryshe në situata të ndryshme”.
Në këtë mënyrë përfundoi beteja ligjore 4-vjeçare e dy prindërve, të cilët nuk kërkuan as më e shumë e as më pak se sa një të drejtë ligjore për fëmijën e tyre të mitur-një mësues shtesë.
