Një 48-vjeçar me origjinë shqiptare, identiteti i të cilit nuk bëhet ende i ditur, është arratisur pasditen e së enjtes nga paraburgimi i Policisë së Magnezisë në Greqi.
Sapo u konstatua arratisja e tij, është vënë alarmi për lokalizimin e shqiptarit, për pasojë është gjetur rreth 4 orë më vonë në rrugën “2 Nëntori”.
Shqiptari ka qenë i dënuar për dhunë në familje. Ai ndodhej në paraburgim pasi po gjykohet në Gjykatën Penale Tre anëtarëshe për çështje të ndryshme edhe pse vuan dënimin në burgjet e Larisës.
Vetëm të premten e kaluar ai u dënua me 18 muaj burg me kusht, pasi Gjykata Penale Tre anëtarësh e Volos e shpalli sërish fajtor për lëndime trupore dhe konosje në familje, armëmbajtje pa leje dhe përdorim të armëve. I pandehuri është në paraburgimin e Larisës, ndërsa akuzohet se ka rrahur gruan dhe prindërit e saj dhe shpesh ka shqetësuar opinionin social vendas, shkruajnë mediat greke.
Shqiptari kishte kërcënuar më herët prokuroren e çështjes, duke i thënë” “Do të të vidhos dhe do të të dërgoj në burg!”.
