Një tjetër reagim kundër propozimit të Edi Ramës për presidentin Bajram Begaj që të emërojë këshilltaren kosovare të kryeminisrit, Vlora Hyseni në krye të Shërbimit Informativ, ka ardhur në mbrëmje nga radhët e së djathtës.
Pas Gazmend Bardhit nga grupi “Alibeaj” që shprehu hapur kundërshtinë për pretendeten që ka zgjedhur Rama, edhe deputeti i Partisë Demokratike, Flamur Noka del kunddër Hysenit.
Ai thekson në një postim në Facebook se, Vlora Hyseni, e cila më parë ishte zv/drejtoreshë e Shërbimit të Inteligjencës së Kosovës (AKI), u shkarkua nga detyra për dyshime për lidhjen e tij me serbët, me një vendim te Albin Kurtit dhe Presidentes Vjosa Osmani.
Duke nënvizuar se ka një lidhje vëllazërore të Ramës me presidentin serb Aleksandër Vuçiç, Noka shprehet se kaq ka mjaftuar që ai të konsideronte se emri i i saj plotësonte kriterin numër 1.
Postimi i plotë:
Kosova e shkarkon për lidhje serbe, Rama e propozon në krye të SHISH
Rama propozon në krye të SHISH bashkëkombasen Vlora Hyseni, por kjo e fundit është shkarkuar në mbështetje të nenit 6 (paragrafi 4) i Ligjit për Agjencinë e Kosovës për Inteligjencë, ku thuhet shprehimisht se:
“Zbulimi ose mosruajtja e informacioneve të klasifikuara paraqet vepër penale të dënueshme sipas Kodit nr.06/074 Penal të Republikës së Kosovës, Ligjit Nr.03/L-178 për Klasifikimin e Informacioneve dhe Verifikimin e Sigurisë dhe legjislacionin tjetër përkatës në fuqi që ka të bëjë me informacionin e klasifikuar.”
Vlora Hyseni dyshohej për lidhje serbe dhe mesa duket kaq i ka mjaftuar Ramës për të plotësuar kriterin nr.1 të tij.
