Bordi i transparencës ka vendosur sot në mënyrë të papritur që të ndryshoje çmimin e karburanteve në vend.
Sipas vendimit të Bordit, një litër naftë do të tregtohet me 189 lekë për litër. Çmimi i naftës në bursën ndërkombëtare është në “pikiatë” kurse bordi i ngritur nga kryeministri Edi Rama abuzon dhe tallet me xhepat e shqiptarëve në një kohë kur po përflitet për shkrirjen e tij.
Ndërsa në krahun tjetër Benzina do të shitet me 186 lekë/litri, kurse çmimi i gazit është vendosur 76 lekë/litri.
Por, deri tani ndërhyrjen e Bordit vetëm sa kanë mbajtur lart çmimin. Operatorët e tregut pohojnë se nëse Bordi nuk do të ndërhynte, çmimet do të ishin të paktën 5% më lirë, pasi kompanitë do të ishin fleksibël të merrnin vetë përsipër rrezikun dhe të blinin më shumë sasi kur çmimi të ishte më i lirë në tregje, ndërsa tani janë të detyruar të bëjnë blerje në baza ditore për shkak të ndërhyrjeve të Bordit.
Cmimet do te ndryshojne sot ne oren 18:00. Kujtojmë që opozita ka kërkuar “shkrihen” në mënyrë urgjente të bordeve të cilat etiketohen si “komuniste” pasi abuzojnë me çmimet në dëm të xhepave të qytetarëve.
