Dita e Verës, vijon të jetë një ndër traditat më të pëlqyera për shumë qytetarë vendas por jo vetëm.
Përveç se në Elbasan edhe në Tiranë shumë qytetarë mblidhen dhe kalojnë orë të tëra duke shijuar aktivitetet argëtuese dhe ushqimet tradicionale.
Ditën e sotme edhe moti ka qenë favorizues, pasi dita është e mbushur me diell.
Një sërë aktivitetesh do të zhvillohen gjatë ditës së sotme në Tiranë, prandaj dhe një pjesë e rrugëve do të jenë të bllokuara. Janë shtuar dhe kontrollet nga Policia, për të mbajtur situatën të sigurtë.
Një koncert ka për të filluar në orën 13:00, pra atmosfera në Tiranë, kryesisht në sheshin “Skënderbej”, ka për të patur tepër energji. Në shesh ka dhe shumë qytetarë që tregtojnë në stenda produktet tradicionale të zonës së Shqipërisë së Mesme.
Në mbrëmje do të jetë Liqeni pika “e nxehtë”, ku do të organizohet një shfaqje dronash.
