Një 80-vjeçar, i dënuar më parë për vrasje është arrestuar nga policia e Matit, pasi akuzohet se ka kanosur një tjetër person për motive pronësie. Gjatë kontrolleve, atij iu gjetën armë zjarri, municion dhe granata.
Në pranga u vu Ibrahim Lika.
“Shërbimet e Komisariatit të Policisë Mat, morën njoftim se në lagjen ‘Pjetër Budi’, në Burrel, shtetasi I.L., i dënuar më parë për vrasje, po konfliktohej për motive pronësie dhe po kërcënonte me jetë shtetasin K.K. Gjithashtu Policia mori informacion se shtetasi që e kërcënonte dyshohet se mbante armë zjarri. Menjëherë shërbimet e Policisë organizuan punën dhe vunë në pranga shtetasin I.L., 80 vjeç, banues në Burrel (i dënuar më parë për vrasje)”, njoftoi policia.
Shërbimet e Policisë gjetën dhe sekuestruan, në cilësinë e provës materiale, një armë zjarri automatik, tre krehra, 82 fishek dhe dy granata që 80-vjeçari i mbante pa leje dhe kërcënonte me jetë shtetasin K.K., shtuan të njëjtat burime.
LEXO EDHE:
