Sekretari i Përgjithshëm i PD-së, Flamur Noka ka komentuar masakrën e ndodhur në ‘Don Bosko’, teksa u shpreh se kjo situatë ka ardhur për shkak të frymës që ka futur qeveria në shoqëri.
Sipas Nokës, ‘të jesh intelektual, të jesh njeri i ndershëm, je një hiç në shoqërinë e sotme nën këtë qeveri’.
“Politika ishte ajo që bëri gjithçka për ta sjellë krimin në tryezë si partner dhe pastaj për ta glorifikuar dhe për të ndikuar pastaj tek rinia, që ta adhurojnë, se i forti bën marrëveshje me Ramën, se i forti i dikton Edi Ramës koncesione, tendera, emërimet e drejtorëve, ministrave e zv/ministrave.
Kjo frymë u përhap, se të jesh intelektual, të jesh njeri i ndershëm, je një hiç në shoqërinë e sotme nën këtë qeveri, dhe të jesh i fortë i bën të gjitha i ke të gjitha. E kjo një konotacion shumë të egër, shumë të keq për shoqërinë, për të nesërmen, jo vetëm për vrasjen që ndodhi, por për të nesërmen, sepse po edukohet një shoqëri drejt të keqes’, tha gjatë debatit në SYRI TV, Flamur Noka.
