Për javën që presim përpara, vendi ynë do të ndikohet kryesisht nga kushte të qëndrueshme atmosferike falë ndikimit dhe depërtimit të Anticiklonit të Azoreve drejt Europës qendrore.
Në këtë mënyrë për pjesën më të madhe të ditëve moti parashikohet i kthjellët në të gjithë territorin me vranësira të pakta kalimtare, informon Shërbimi Meteorologjik Ushtarak.
Ndërsa dita e Mërkurë do të ndikohet nga kalimi (i shpejtë) i një fronti të ftohtë atmosferik. Moti parashikohet i vranët shoqëruar me reshje shiu me intensitet deri mesatar në formën e shtrëngatave, por edhe stuhive afatshkurtra. Në relievet malore në lindje, parashikohen reshje dëbore me intensitet deri mesatar.
Era do të jetë përgjithësisht nga kuadrati i veriut me shpejtësi mesatare deri në 8m/sek.
Ditën e Mërkurë era do të jetë nga kuadrati i jugut me shpejtësi mesatare deri në 8m/sek, por hera-herës në bregdet dhe në momentin e zhvillimit të vranësirave fiton shpejtësi deri në 18m/sek.
Valëzimi në dete do të jetë i forcës 1-2 ballë, ndërsa ditën e Mërkurë pritet që valëzimi në detet Adriatik dhe Jonë të jetë i forcës 3-4 ballë.
