Partia “Lëvizja Bashkë”, e drejtuar nga Arlind Qori ka ankimuar në Komisionin e Ankimeve dhe Sanskioneve vendimin e KQZ.
Ilirjan Celibashi nuk pranoi kërkesën e “Lëvizjes Bashkë” për t’u regjistruar në zgjedhjet vendore të 14 Majit, pasi sipas tij regjistrimi i partisë bëhet brenda 30 ditëve nga data e paraqitjes së kërkesës për regjistrim.
“Lëvizja Bashkë” deklaron se mos regjistrimi në zgjedhjet e 14 majit, do të ishte një goditje e rëndë ndaj së drejtës së qytetarëve për t’u organizuar në parti dhe për të garuar në zgjedhje, si dhe goditje ndaj pluralizimit.
“Argumentimi ligjor që “Lëvizja Bashkë” ka bërë ëstë sipas nenit 9 nr. 8580 “Për partitë Politike” i ndryshuar përcakton se : Parti poltike njihet si person juridik që nga data kur gjykata ta ketë miratuar dhe regjistruar atë. Referur KQZ: ”Lëvizja Bashkë” deri më tani nuk ka pasur asnjë reagim publik të asnjë nga 3500 nënshkruesit dhe se mosregjistrimi i Lëvizjes Bashkë në zgjedhjet e 14 majit do të ishte një goditje e rëndë ndaj të drejtës së qytetarëve për t’u organizuar në parti dhe për të konkurruar në zgjedhje si dhe i pluralizmit politik në tërësi, ccka do të përbëntë një precedent të rrezikshëm për ardhmërinë e demokracisë në Shqipëri.
Lëvizja Bashkë kërkon: Shqyrtimin e kësaj ankesë administrative ndaj Vendimit nr 157 datë 9.3.2023 të Komisionerit Shtetëror të Zgjedhjeve.
Zgjidhjen e kësaj ankese duke vendosur regjistrimin e partisë politike “Lëvizja Bashkë” si subjekt zgjedhor për zgjedhjet e organeve për qeverisjen vendore të datës 14 maj 2023.”, thuhet ndër të tjerash në dokumentin drejtuar KAS.
